СВР Тетово информира дека во изминате 24 часа се приведени повеќе лица поради различни причини.
Полициски службеници на СВР Тетово, вчера околу 9 часот и 30 минути во тетовски Дреновец го лишиле од слобода 28-годишниот тетовец А.Ј. затоа што при преглед му била пронајдена марихуана. Тој е задржан во Полициската станица Тетово и по документирање на случајот ќе му биде изготвен соодветен поднесок.
Вчеравечер (12 декември) околу 21 часот, на улица „107“ во Тетово, полициски службeници на СВР Тетово го лишиле од слобода 25-годишниот тетовец Е.Р. кај кого била пронајдена марихуана. По документирање на случајот против него ќе следува поднесок.
Вчеравечер (12 декември) околу 21 часот, на улица „107“ во Тетово, полициски службеници на СВР Тетово приведен е малолетник од Тетово затоа што при преглед му била пронајдена марихуана. Тој е задржан во Полициската станица Тетово и против него ќе следува поднесок.
Вчера (12 декември) во 14 часот и 15 минути полициски службеници на СВР Тетово ги лишиле од слобода: Ш.А.(59), М.А.(46), Б.С.(32) од тетовско Долно Палчиште, Х.С.(34) и Г.С.(70) од тетовско Селче Кеч, а кои биле пријавени од 24-годишниот С.Н. од гостиварски Градец дека во куќа во Селце Кеч околу 11 часот него и неговата 52-годишна мајка физички ги нападнале. Според пријавеното, во нападот тие користеле и дрвени предмети. Лишените се задржани во Полициската станица Тетово за расчистување и документирање на случајот.
Полициски службеници на СВР Тетово вчера (12 декември) околу 11 часот и 10 минути, на улица „Маршал Тито“ во Тетово го привеле 44-годишниот Н.И. од тетовска Брвеница, кој се однесувал агресивно и ги навредувал, додека вршеле службени дејствија. Се расчистува и документира случајот.