Младите категории на ФК Љуботен од вечерва имаат дополнителна спортска опрема која е обезбедена со ангажирање на пожарникарот Игор Симовски-Гишо и донации на Македонците иселени во Швајцарија.
Македонците од повеќе градови кои сега живеат во Швајцарија по иницијатива на Симовски собрале пари и купиле топки и маици, кои денеска се предадени на тренерите од фудбалската школа на Љуботен.
-Огромна благодарност до Македонците во Швајцарија за донацијата на фудбалски топки и маичиња за најмладите членови на ФК Љуботен. Уписите продолжуваат, секој понеделник и среда во 18:00 часот на спортскиот центар, порачаа од младинската школа на ФК Љуботен.
Од редовите на групата Македонци во Швајцарија донаторската акција ја координараше и иницираше Драгиша Јовановски од Тетово. Оваа група која преку социјалните мрежи обединува над 45 илјади членови и во други наврати организираале хуманитарни и донаторски акции за многу градови низ Македонија.