Соопштение на СВР Тетово 23 јануари 2024
Дваесет и петгодишен жител на тетовско село, вчера (22 јануари) во 12 часот во СВР Тетово пријавил дека во 2022 година, женско лице од Кочани, со кое претходно стапил во контакт, му ветило дека ќе му обезбеди бугарски документи, а за возврат тој и платил одреден паричен надомест. Меѓутоа, досега ниту ги добил документите, ниту му биле вратени парите. Се расчистува и документира случајот.
Ноќеска (23 јануари) во 2 часот во СВР Тетово е пријавено дека на регионалниот пат Тетово-Волковија, во тетовска Брвеница, патничко моторно возило „фолксваген кеди“ со тетовски регистарски ознаки излетало од коловозот. Во несреќата возачот И.С.(21) од Брвеница се здобил со тешки телесни повреди констатирани во тетовската Клиничка болница. На местото на несреќата увид извршила екипа од СВР Тетово.
Ноќеска (23 јануари) околу 1 часот и 20 минути на локалниот пат Пирок – Раковец, тетовско, полициски службеници на СВР Тетово го лишиле од слобода 27-годишниот Б.И. од тетовски Пирок. При негов и преглед на патничко моторно возило „опел вектра“ со словенечки национални ознаки, кое го управувал, а во кое се превезувале уште две други лица од истото село, кај него била пронајдена и одземена марихуана. Тој е задржан во Полициската станица Тетово и по целосно документирање на случајот ќе му биде изготвен соодветен поднесок.
Вчеравечер (22 јануари) во 23 часот и 45 минути, 18-годишниот Б.Ј. од тетовска Палатица во СВР Тетово пријавил дека околу 21 часот во угостителски објект во селото физички бил нападнат од малолетник, негов соселанец. Според пријавеното, напаѓачот користел и метален боксирач. Се преземаат мерки за целосно расчистување и документирање на случајот.