Соопштение на СВР Тетово 6 февруари 2024
Полициски службеници на СВР Тетово, вчеравечер (5 февруари) околу 22 часот и 30 минути го лишиле од слобода 48-годишниот И.А. од тетовска Шипковица, по кого била распишана потрага поради сомнение дека извршил кривични дела „фалсификување пари“ и „неовластено изработување, држење, посредување и тргување со оружје или распрскувачки материи“. Тој е задржан во Полициската станица Тетово за натамошна постапка.
…..
Полициски службеници на СВР Тетово, вчеравечер (5 февруари) околу 22 часот и 40 минути на локален пат во тетовски Пирок го привеле 50-годишниот Б.И. од ова село затоа што кај него била пронајдена и одземена марихуана. По целосно документирање на случајот на Б.И. ќе му биде изготвен соодветен поднесок.
…….
Вчеравечер (5 февруари) околу 22 часот и 50 минути, полициски службеници на СВР Тетово-Одделение за внатрешни работи Гостивар во Гостивар го лишиле од слобода Б.С. од гостиварско Чегране, кој претходно бил пријавен дека во семејниот дом физички ја нападнал неговата 43-годишна маќеа. Тој е задржан во Полициската станица Гостивар за целосно расчистување и документирање на случајот и против него ќе следува поднесок.
……
Педесет и двегодишна жителка на тетовско село вчера (5 февруари) во 18 часот и 30 минути во СВР Тетово пријавила дека нејзиниот сопруг Н.З. со остар предмет и се заканил. Се преземаат мерки за расчистување и документирање на случајот.
….
Полициски службеници на СВР Тетово, вчера (5 февруари) околу 11 часот и 10 минути го привеле 24-годишниот тетовец М.Н., кој во угостителски објект на улица „Борис Кидрич“ во Тетово, сопственост на 62-годишниот тетовец Д.Н., го нарушил јавниот ред и мир и се однесувал агресивно. Задржан е во Полициската станица Тетово за расчистување и документирање на случајот.
…..
Педесет и шестгодишниот Т.И. од тетовско Сараќино, вработен во ЈП „Национални шуми“ вчера (5 февруари) во 9 часот и 50 минути во СВР Тетово пријавил дека на први февруари околу 11 часот, тој и уште неколку други лица во атарот на Желино биле спречувани во извршување на работни обврски од неколку лица од тетовско Желино кои им се заканиле поради тоа што наводно немале дозвола од месната заедница на ова село. Се расчистува и документира случајот.
….
Вчера (5 февруари) во 7 часот и 30 минути во СВР Тетово пријавено е дека настанал пожар во куќа во тетовското село Бродец, сопственост на 53-годишниот И.А. од ова село. Во пожарот нема повредени лица, а со интервенција на жителите на селото и Територијалната противпожарна единица од Тетово пожарот целосно е локализиран. Увид извршила екипа од СВР Тетово.
….
Завчеравечер (4 февруари) во 21 часот и 15 минути во СВР Тетово пријавено е дека настанал пожар во куќата на 48-годишниот Ш.Х. во гостиварско Врапчиште. Нема повредени лица, а оштетена е внатрешноста на објектот и соседна куќа, сопственост на 59-годишниот Х.И. Со интервенција на гостиварската Територијална противпожарна единица пожарот целосно е локализиран, додека увид извршила екипа од Одделението за внатрешни работи Гостивар.
…..
Вчера (5 февруари) околу 10 часот и 50 минути, 52-годишниот гостиварец В.П. во СВР Тетово пријавил дека над гостиварското село Топлица, во атарот на селото Пожаране, пронашол пушка М-48. Пронајдената пушка е фотодокументирана и подигната за вештачење. Се расчистува и документира случајот.
….
Триесет и двегодишната А.Н. од Гостивар вчеравечер (5 февруари) во 23 часот и 30 минути во СВР Тетово пријавила дека околу 18 часот и 30 минути од дома се оддалечила нејзината малолетна ќерка и дека најверојатно заминала со 19-годишно лице од Прилеп со кое била во љубовна врска. Се преземаат мерки за пронаоѓање на малолетничката.
….