Вчера (21 септември) во 10 часот и 15 минути и во 15 часот и 20 минути, полициски службеници на СВР Тетово лишиле од слобода малолетник од Тетово и Б.А.(18) од тетовско Селце. Тие се сомничат дека на 19-ти овој месец околу пладне во близина на Спортски центар во Тетово физички го нападнале 27-годишниот тетовец М.М. и се обиделе да му одземат пари. Двајцата се задржани во Полициската станица Тетово, случајот целосно е расчистен и против нив ќе следуваат соодветни поднесоци.
На 21.09.2023 околу 17.10 часот во Тетово, полициски службеници од СВР Тетово ја лишиле од слобода 30-годишната М.И. од гостиварски Вруток. Таа претходно била пријавена од 81-годишниот Р.М. од тетовски Челопек дека во близина на спортската сала во Тетово со употреба на сила му одзела пари, клучеви од возило и лични документи. Инаку, М.И. била барана со потерница за доиздржување на затворска казна од две години. Лицето било спроведено во Казнено-поправната установа Затвор „Идризово“ за доиздржување на казната, а по документирање на случајот ќе биде изготвен и соодветен поднесок.
Вчера (21 септември) околу 19 часот полициски службеници на СВР Тетово го лишиле од слобода 29-годишниот тетовец К.В., кој бил пријавен од неговата 51-годишна мајка дека физички ја нападнал во семејниот дом. Тој е задржан во Полициската станица Тетово за расчистување и документирање на случајот
