СВР Тетово информира дека полициски службеници вчера (16 ноември) околу 14 часот и 30 минути на улица „Штипска“ во Тетово ги лишиле од слобода Е.С.(20), А.Б.(24) и А.Е.(18), тројцата од тетовска Голема Речица, затоа што при нивен и преглед на патничко моторно возило „мерцедес“ со тетовски регистарски ознаки била пронајдена и одземена марихуана.
При лишувањето Е.С. се однесувал агресивно и им се заканувал. Тие се задржани во Полициската станица Тетово и по целосно документирање на случајот ќе им бидат изготвени соодветни поднесоци.
Од полицијата и информација дека вчера (16 ноември) околу 16 часот на улица „Илинденска“ во Тетово, полициски службеници на СВР Тетово кај 18-годишниот Е.И. од тетовско Боговиње пронашле и одзеле нож и по документирање на случајот ќе му биде изготвен поднесок по Законот за оружје.
