Минатиот месец (јануари) на поширокото тетовско подрачје евидентирани се вкупно 1477 различни видови сообраќајни прекршоци или 304 помалку во споредба со истиот период лани.
Во овој период, а поради утврдени пропусти и недостатоци, од сообраќај биле исклучени 53 возила, од кои 30 за истечена регистрација, 19 за констатирана техничка неисправност и 4 за претовар.
Покрај тоа, во јануари годинава исклучени се и 163 возачи, најмногу – 101 за управување беа положен возачки испит и валидна дозвола за тоа, 26 за управување под дејство на алкохол, 16 со впишана забрана за управување, 18 возачи-почетници кои не се придржувале на пропишаните ограничувања за оваа категорија учесници во сообраќајот и 2 возачи со несоодветна категорија.
Во периодот за кој станува збор времено биле одземени 42 возачки, 25 сообраќајни дозволи и 5 возила, сите за истечена регистрација повеќе од шест месеци, додека тетовската „пајак-служба“ вкупно подигнала 62 непрописно, односно погрешно паркирани возила, претежно во централното подрачје на Тетово.
Полициски службеници на СВР Тетово, вчера (1 февруари) од 8 до 14 часот спровеле акциска контрола за непрописно престигнување во сообраќајот. При контролата биле откриени и санкционирани вкупно 25 прекршоци (ТЕ-17 и ГВ-8).
Најголемиот број од прекршоците (16) се однесувале на престигнување на забранети места, а санкционирани биле и 3 (ТЕ) други видови сообраќајни прекршоци. На возачите-прекршители изготвени им се законски предвидените поднесоци со парични глоби од 40 до 250 евра во денарска противвредност. На оние кои биле санкционирани со глоба од 250 евра времено ќе им бидат одземени возачките дозволи од три месеци до една година.