Полициски службеници на СВР Тетово, вчера (25 септември) од 8 до 12 часот спроведоа акциска контрола за поголем сообраќаен ред и безбедност на патиштата во поширокиот Полошки регион.
При контролата биле откриени и санкционирани вкупно 11 недостатоци на возилата (ТЕ-7 и ГВ-4). Пет возила (ТЕ-2 и ГВ-3) имале неисправни сопирачки, 3 возила (ТЕ) биле со неатестирани фолии, 1 (ГВ) со неисправни системи, 1 (ТЕ) со вградени светлосни уреди и 1 (ТЕ) со истечена сообраќајна дозвола.
Сите неисправни возила исклучени се од сообраќај и изготвени им се поднесоци со парична глоба од 400 евра во денарска противвредност. При контролата санкционирани се и 2 лица (ТЕ) кои ги управувале возилата без потребните возачки дозволи и 1(ГВ) кое не се јавило на технички преглед. Санкционирани се и 6 други видови сообраќајни прекршоци (ТЕ-4 и ГВ-2).
СВР Тетово и во наредниот период ќе продолжи со контролни активности со цел навреме да се откријат и отстранат од сообраќај технички неисправните возила и да се придонесе во напорите за поголема безбедност на патиштата во овој регион.