Советничката Наташа Гавровска од редовите на Општинската организација на СДСМ Тетово на прес-конференција побара одговорност на сите политички субјекти и да не подгреваат поделби меѓу граѓаните
-Советничката група на СДСМ и Општинската организација на СДСМ Тетово ги осудува одредените реакции кои создадоа тензии во Тетово, кои се обидуваат да ги создадат одредени политички субјекти. На Попова Шапка станува збор за црковен имот и верско обележје во дворот на манастирот. Општина Тетово и градоначалникот Касами да се воздржат од било какви провокации и дејствија кои може да предизвикаат сериозни тензии кои се на дневна штета на граѓаните, соживотот и на меѓународното разбирање. Одговорност на сите политички субјекти како и на Советот на Општина Тетово е да покажат воздржаност да не подгреваат раздор, верски и политички или етнички поделби меѓу граѓаните. Прифаќањето на различностите е сржта на еднаквоста, а Тетово е пример за тоа, истакна Наташа Гавровска.