Глигорије Стојановски, советникот од редовите на СДСМ Тетово одржа прес конфренција:
-До кога општинската власт ќе кажува само препораки, кога ќе слушнеме за поконкретни мерки за справување со аерозагадувањето? Досега видовме дека препораките не ја подобрија ситуацијата. Препораките не се мерки, а најмалку решенија, ниту за денес, ниту за понатаму. Општината констатира граѓаните да внимаваат на начинот на затоплување, да не користат автомобили без поголема потреба и да го користат јавниот превоз, апелираат до стопанствениците своите технолошки процеси да ги вршат со крајна претпазливост и да одбегнуваат сè што не е нужно, а може да влијае на квалитетот на воздухот во градот.
Не слушнавме што општината конкретно презеде. Дали има направено план за справување?
Препорачуваме краткорочни мерки: – Аеросолизација на улиците; Бесплатен јавен сообраќај; – Зајакната контрола на имателите на одобренија за доставување на стока; – Зголемување на инспекциските контроли на градилиштата, на ракувачите со отпадни масла и сервисите што работат на промена на масла; – Контрола дали навистина досега субвенционираните домаќинства ги користат инвертер климите; – Управувување со отпадот и намалување на депониите.
Долгорочно: – Додека уште малку можност има, справување со архитектонските бариери и зголемување на зелените површини; – Квалитетни сообраќајни решенија, изградба на обиколницата и булеварите; – Промена на греењето во јавните институции и во домовите. Градот е загушен од новоградби кои го спречуваат провевот. Дополнително, инспекторите надлежни за бесправно изградени објекти, а кои објекти го спречуваат нормалното движење на воздухот и придонесуваат за зголемено загадување, редовно и законито да постапат согласно постоечката регулатива.
За сè што е преземено и се презентира дека е постапено истото да биде поткрепено со соодветни докази за кои јавноста ќе има пристап до тие информации, истакна Стојановски на прес-конференцијата.
