Во организација на карате клубот Фати од Тетово денеска се одржа 19-тото издание на меѓународен турнир во карате „Тетово опен“. На турнирот настапија околу 400 каратисти од Македонија, Албанија, Србија, Косово, Црна Гора и Бугарија.
Претседателот на македонската карате федерација Петар Белистојановски изјави дека овој турнир и карате клубот Фати се основа да произлезат нови карате шампиони кои ја претставуваат државата на меѓународни натпревари.
-„Тетово опен“ е традиционален и престижен меѓународен турнир низ кој поминале голем број на спортисти од Македонија а и од странство по што го трасирале патот до висините на светското карате. Организаторот карате клуб Фати предводен од тренерска легенда и директор на репрезентација Арлинд Хусеини во сите овие години постигнува многу резултати со кои се гордеела карате федерацијата на Македонија. Резултати како што се пет кратен европски првак, две сенироски медали, медитерански, балкански и низа национални одличја. Имиња како што се Берат Јакупи, Доан Османи потврдуваат дека Фати е еден од нашите најуспешни клубови, истакна Петар Белистојановски.
Турнирот се одржуваше во спортската сала на средното стручно училиште „Никола Штејн“ во Тетово.
ас
