Соопштение на СВР Тетово 26 јули 2024
На 25.07.2024 во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од Тетово, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица. При лишувањето, кај А.А. бил пронајден и одземен пиштол кубура, додека подоцна, со судска наредба бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм. Лицето било задржано во полициска станица и по целосно документирање на случајот против него ќе биде поднесена соодветна пријава.
На 25.07.2024 во 18.45 часот на улица „Полог“ во Тетово, полициски службеници од СВР Тетово го привеле Џ.Д.(56) од Тетово, кој бил баран по потерница врз основа на судска наредба за издржување на затворска казна. Тој е спроведен во Казнено – поправната установа Затвор Тетово за издржување на казната.
На 25.07.2024 во 22.10 часот во СВР Тетово, Д.Д.(37) од тетовска Брвеница пријавил дека околу 21.00 часот во близина на трговски центар во Тетово неговата малолетна ќерка била физички нападната од друга малолетничка. Се преземаат мерки за расчистување на случајот.
На 25.07.2024 во 23.30 часот во СВР Тетово, Е.С.(19) од Швајцарија, со престој во тетовско Горно Седларце, пријавил дека околу 21.00 часот на улица „Благоја Тоска“ во Тетово бил физички нападнат од едно лице. Се преземаат мерки за расчистување на случајот.
На 25.07.2024 во 16.30 часот на улица ,,Благоја Тоска“ во Тетово, полициски службеници од Полициската станица за безбедност на патниот сообраќај го привеле И.Ш.(45) од тетовска Мала Речица, затоа што агресивно се однесувал кон нив додека извршувале службени дејствија. Тој е задржан во полициска станица и против него ќе биде изготвен соодветен поднесок.
На 25.07.2024 во 11.50 часот во СВР Тетово, од рентакар фирма било пријавено дека биле измамени од Ф.E. од Република Турција. Според пријавеното, на 24.04.2024 лицето од нив изнајмил возило „ауди“ за да оди во Турција и по истекот на договорот, на 01.05.2024, лицето уште еднаш уплатило пари за негово продолжување. Како што е пријавено, и по истекот на вториот рок лицето одбивало да го врати возилото, по што пријавиле во полициска станица. Се преземаат мерки за расчистување на случајот.
На 25.07.2024 во 19.57 часот во СВР Тетово било пријавено дека на автопатот Скопје – Тетово, пред Добарски натпатник, патничко возило „форд“ со тетовски регистарски ознаки, управувано од Ш.Р.(56) од Тетово, излетало надвор од коловозот. Во несреќата со тешки телесни повреди се здобил возачот, констатирани во Клиничката болница Тетово. Извршен бил увид од увидна екипа од СВР Тетово.