Развојната програма за изведба и реконструкција на улици во Тетово според денеска изгласаниот буџет за 2023 година на Општина Тетово предвидува наредната година да почнат градежни работи за продолжување на уште два градски булевари, како и да се проектира нова улица односно пат.
Станува збор за булеварот „Благоја Тоска“ од касарната се до регионалниот пат 1203 или Тетово-Јажинце, продолжување на булеварот „Видое Смилевски-Бато“ од кај касарната до селото Порој и нов пат од село Лисец до Попова Шапка.
-За булеварот од касарна до регионалниот пат ќе се продолжи за 450 метри, со инвестирање од 90 милиони денари. За булеварот „В.С-Бато“ до Порој ќе се прошири 650 метри со 67 милиони денари. За нов пат од Лисец до Попова Шапка во должина од 740 метри предвидени се над 30 милиони денари, изјави денеска претседателот на Советот, Бесар Дурмиши.
Развојната програма предвидува реконструкција на повеќе подолги улици како што се „Иво Рибар-Лола“ (700 метри) „Борис Кидрич“ (1100 метри), „Браќа Миладиновци“ (370м) и „Киро Ристовски Дрнц“ (560м).
ас
