Полициски службеници на СВР Тетово вчера (10 април) од 9 до 14 часот спровеле акциска контрола на возила кои вршат јавен превоз на патници, претежно автобуси и комбиња.
При контролата биле откриени и санкционирани 6 технички неисправни возила (ТЕ-5 и ГВ-1), од кои 5 (ТЕ) имале неисправни сопирачки, а 1 (ГВ) било со неизвршен технички преглед. Сите неисправни возила веднаш се исклучени од сообраќај и на нивните возачи изготвени им се соодветни поднесоци.
Ваква контрола, исто така, била спроведена и од 6 до 10 часот, во која се санкционирани 4 технички неисправни возила (ТЕ-1 и ГВ-3). Две возила (ТЕ-1 и ГВ-1) имале неисправни сопирачки, 1 (ГВ) неисправен уред за управување и 1 (ГВ) неизвршен технички преглед, а констатиран бил и 1 (ТЕ) друг вид на сообраќаен прекршок.
Покрај тоа, санкционирани биле и 5 возачи (ТЕ) кои вршеле јавен превоз без потребните документи.
Секторот за внатрешни работи Тетово со апел и укажување до возачите навреме да ја проверуваат техничката исправност на возилата кои ги управуваат и посебно доколку секојдневно вршат локален јавен превоз на тетовско-гостиварското подрачје, претежно со комбиња или минибуси. Истото се однесува и на меѓуградските автобуси, како и на автобусите кои сообраќаат на меѓународни линии.
ас
