Секторот за внатрешни работи Тетово информира дека се завршени планираните подготвителни активности за непречено и безбедно одржување на традиционалните свечености по повод престојниот православен христијански празник „Голема Богородица“, кои на 27-ми и 28-ми август ќе се организираат во манастирскиот комплекс во село Лешок.
Од таму поради тоа известуваат дека дека ќе биде воведен посебен сообраќаен режим кој ќе започне да се применува на 27-ми август во 16 часот и кој ќе трае се до завршување на празничните свечености.
-Влезот кон манастирскиот комплекс ќе се реализира од пред бензинската пумпа на „Лукоил“ кон селото Лешок, а излезот преку локалните улици кон селото Слатино. Одвивањето на сообраќајот во двете насоки ќе го регулираат полициски службеници на СВР Тетово. Покрај ова, на сите граѓани кои со возила ќе пристигнуваат до манастирскиот комплекс им се советува исклучиво да ги паркираат на четирите паркиралишта, определени за таа намена и целосно да ги почитуваат наредбите на полициските службеници кои ќе го насочуваат движењето на возилата кон манастирскиот комплекс и обратно, порача портпаролот Марјан Јосифоски.
Полицијата со совет до возачите-доколку се исполнат сите места на предвидените паркиралишта, возилата да ги оставаат на десната страна од патот.