Соопштение на Министерството за внатрешни работи 13 март 2024
СВР Тетово поднесе кривична пријава против А.И.(33) од Тетово, вработен како референт во банка, поради постоење основи на сомнение за сторени кривични дела „злоупотреба на службена положба и овластување“ и „измама“ и против М.З.(74) од с.Гургурница, општина Брвеница, поради постоење основи на сомнение за кривично дело „помагање“. На 28.07.2021, при потпишување налог за пренос на финансиски средства, кои требало да бидат префрлени на жиро сметка од С.Е. на В.Т., за купопродажба на недвижен имот, првопријавениот му подметнал на С.Е. да потпише и друг налог на трансакциска сметка на второпријавениот, кој ги примил и присвоил паричните средства во износ од 890.000 денари
СВР Тетово поднесе кривична пријава против И.А.(63) од с.Мала Речица, тетовско, поради постоење основи на сомнение за сторено кривично дело „узурпација на недвижности“. Пријавениот, во текот на 2023 година на катастарска парцела во државна сопственост во Тетово, узурпирал земјиште и поставил работни машини и бекатон плочки.