СВР Тетово информира дека се расчистени пет тешки кражби во верски објекти во тетовскиот регион, со тоа што е приведен осомничен на 53 години. Полицајци денес го привеле околу 10 часот и 30 минути во Долно Седларце.
-Полициски службеници го лишиле од слобода 53-годишниот Т.Б. од Штип. Тој се сомничи дека во периодот од 20 јуни годинава досега извршил пет кражби во цркви во општина Јегуновце. Со употреба на сила влегувал во објектите и најчесто одземал пари. Кај него биле пронајден и одземен разновиден алат што го користел при извршување на кривичните дела. Т.Б. е задржан во Полициската станица Тетово, информира Марјан Јосифоски, портпарол на СВР Тетово.
По целосно документирање на случајот ќе биде изготвена соодветна кривична пријава за осомничениот.
ас
