Тетово нема да има предновогодишно украсување и осветлување, а на две недели до Новата година, градоначалникот најави само делумно дека тоа може да се направи на плоштадот. Причина за тоа е потребата да се штеди електрична енергија, рече Касами, повикувајќи се на одлука на Советот.
-За жал нема да се украсува, но сигурно нема да останеме во мрак. Има предлог да се среди плоштадот, но кога ќе имам конечен предлог и тоа ќе го презентираме. Нема да биде осветлен градот но сигурно ќе има можност граѓаните да уживаат во новогодишните празници.Сме во подготовка за активност во центарот но уште немам конечно, изјави градоначалникот Биљал Касами.
И минатата 2021 година, нешто повеќе по еден месец по преземањето на должноста Касами тогаш изјави дека нема пари за предновогодишно украсување на градот и организирање на новогодишна прослава.
Во 2020 година претходното раководство рече дека парите за предновогодишно украсување во Тетово ќе бидат пренаменети за инфраструктура и справување со пандемијата.
И во 2019 година не беа искористени средства за предновогодишно украсување и новогодишен дочек во Тетово, а парите беа пренаменети за помош на градот Драч во Албанија каде истата година имаше земјотрес.
ас
