Младата тетовска оперска пејачка Ивона Нацевска по успешниот солистичи концерт на 22 ноември во Национална опера и балет доби покана за интернационален настап во Италија.
Таа ќе има прилика да настапи во Театро ди Марчело, антички театар на отворено во главниот град на Италија, Рим по покана на тамошно здружение.
-Здружението ќе организира концерт како дел од летната концертна сезона на Темпието – музички фестивал на нациите во 2023 година во Театро ди Марчело, информираше оперската пејачка Ивона Нацевска.
Таа е родена 1999, а во музичкото училиште изучувала пијано. Дипломирала на Факултетот за музичка уметност во Скопје, а е вработена во НУ Национална опера и балет.
Својот талент,посветеност и љубов кон музиката ги покажува од рано детство со настапи во детскиот хор „Лале“ во Тетово, подоцна и во градскиот женски младински хор „Менада“. Низ нејзиното музичко образование таа има концерти и многубројни натпревари во Македонија, Србија и Бугарија.
ас
