Соопштение на СВР Тетово 2 февруари 2024
Триесет и седумгодишниот тетовец И.Ѓ., вчера (1 февруари) во 11 часот и 25 минути во СВР Тетово пријавил дека околу 9 часот и 40 минути во ходникот од станбената зграда во која живееле во Тетово бил физички нападнат од соседот Љ.А.. Се расчистува и документира случајот.
Вчера (1 февруари) во 18 часот и 30 минути, 45-годишната тетовка Р.С. во СВР Тетово пријавила дека половина час пред тоа на улица „Јане Сандански“ во Тетово нејзиниот малолетен син физички бил нападнат од друг малолетник, кој го познавал, а кој бил со уште двајца малолетници. Се преземаат мерки за расчистување и документирање на случајот.
Дваесет и четиригодишниот Н.М. од тетовско Синичане, вчера (1 февруари) во СВР Тетово пријавил дека околу 23 часот и 30 минути на улица „Илинденска“ во Тетово физички бил нападнат од едно лице кое го познавал. Се расчистува и документира случајот.