Првиот поголем снег и ниските температури оваа зима кои се случија викендов во Тетово отворија повеќе работи за ортопедското одделение при Клиничка болница Тетово. Таму само во неделата за 24 часа 22 граѓани дошле поради фрактури на нозете или рацете.
– Има зголемување на бројот на повредени од вообичаеното, поради зимските услови, но воедно и не е некоја голем бројка. Во неделата за 24 часа бележиме 22 скршеници, додека денес од 8 до 12 часот имаме евидентирано седум луѓе кои се стекнале со фрактури на екстремитетите. Пред сè луѓеto се повредени на подлактница кај рацете или потколеница кај нозете. Повредени има кај сите возрасни категории од деца па се до највозрасните граѓани, информира д-р Ертан Рустеми ортопед и шеф на одделението за ортопедија при Клиничка болница Тетово.
![](https://tetovoinfo.mk/wp-content/uploads/2024/01/420645476_756502303179625_7803140991084691819_n.jpg)
Од Општина Тетово во неколку навратија викендов информираа преку социјалните мрежи дека викендов се работи на отстранување на снежната покривка и мразот од улиците и тротоарите.
– Исчистени се пешачките премини и тротоарите долж булеварот „Илирија“, а оваа активност ќе продолжи и во другите улици и булевари за да се овозможи слободно и непречено движење. После снежните врнежи што ја зафатија целата територија на нашата општина, нашите екипи од утринските часови се на терен за да ги чистат главните и споредни патишта, како и патиштата низ селата на Шар Планина како и улицата кон викенд населбата на Попова Шапка, информираа од Општина Тетово.
Десетина сантиметри снег наврнаа во текот на саботата.
ас