Триото „Шербет“ по повод шест години постоење и ослободување на градот Тетово наредната сабота 19 ноември ќе одржи концерт насловен „Обичниот граѓанин-херој на Тетово“. Концертот ќе се одржи во салата на Центарот за култура „Иљо Антески-Смок“ со почеток од 19 часот.
-Насловот на концертот неслучајно е „Обичниот граѓанин – херој на Тетово“, со тоа сакаме да изразиме благодарност на сите кои се бореле за слободно Тетово, а воедно и на секој граѓанин кој секојдневно се бори за подобро утре. На репертоарот ќе бидат родољубиви песни за Македонија, како што велиме од турско до европско време, најавуваат младите вокалисти од „Шербет“.
Ова е четврти нивни концерт од ваков вид пред тетовската публика. На нивната Фејсбук страница наскоро ќе биде објавено кога во Центарот за култура ќе почне продажбата на влезните билети за нивниот концерт.