Прес-конференција на Анита Бошкоска-Јованоска, претседател на Унијата на жени при Општински Комитет на ВМРО-ДПМНЕ Тетово:
Унијата на жени при Општински Комитет на ВМРО-ДПМНЕ Тетово активно зема учество во кампањата на кандидатот за Претседател на Република Македонија на ВМРО-ДПМНЕ и Коалицијата “Твоја Македонија” Гордана Силјановска-Давкова.
Во оваа прилика би сакала искрено да им се забалагодарам на сите членки на Унијата на жени кои покрај своите обврски, сепак одвојуваат дел од драгоценото време и ги посетуваат тетовчани со една единствена цел, а тоа е промоција на политиките за кои се залага Професорката Силјановска и избор на прва жена Претседател на Република Македонија.
Гордана Силјановска-Давкова е инспиративна жена, жена која се залага за промени за правна, мирна, средена држава, таа има енергија и ентузијазам, сила и решителност за нашата и ваша иднина, поседува капацитет да ја води Македонија во следните 5 години. Таа се залага за единство и обединување на сите граѓани во Македонија, за владеење на право и правда.
Би сакала да обрнете внимание на вашиот живот, вашето семејство, вашата Македонија, изборот кој треба да го направите денес ќе се одрази на животот во следните години.
Кажете НЕ за лажните ветувања, ДА за реалните проекти, ДА за промените.
Промените не доаѓаат сами по себе, денес треба да застанеме зад Професорката Силјановска, за Македонија повторно да биде горда. Само со правилни одлуки ќе го подобриме општеството, ќе ги заштитиме нашите вредности.
Во секојдневните контакти луѓето споделуваат идеи и даваат поддршка на ВМРО-ДПМНЕ и Гордана Силјановска-Давкова, промените се неизбежни, останува само со одлучност и напорна работа повторно Македонија да ја направиме горда.
За да ја видиме Македонија повторно горда, потребни ни се жени и мажи кои рамноправно заеднички ќе работат на нејзиниот просперитет. Победата е блиску, победа за Гордана Силјановска-Давкова, реден број 2 кандидат за Претседател на Македонија на ВМРО-ДПМНЕ и Коалицијата “Твоја Македонија.