Ректорот на Универзитетот во Тетово, проф. д-р Јусуф Зејнели со генералниот секретар на Владата м-р Методија Димовски потпиша Меморандум за соработка.
Целта на овој меморандум е остварување на соработка меѓу Факултетот и Генералниот секретаријат во однос на размена на искуства, знаења, едукација и обука на кадри од областите во кои двете страни имаат стратешки, програмски, кадровски и други потенцијални интереси.
-Овој Меморандум претставува рамка за соработка преку која страните имаат стратешки и програмски интереси, како и кадровски и други потенцијали. Соработката која ќе произлезе од овој Меморандум ќе се реализира преку спроведување на взаемна и ефикасна размена на знаења и искуства. Со заедничка заложба ќе се стремиме кон унапредување на високообразовната, научно-истражувачката и апликативната дејност на Факултетот и унапредување на ефикасноста и ефективноста на јавниот сектор преку заедничко дејствување, организација на едукативни активности за практично усовршување кое ќе го поттикне процесот на едукација на администрацијата во насока на организирање и спроведување едукативни активности, соопштија од Универзитетот.
Ректорот Зејнули работната посета на Генералниот секретаријат ја направи придружуван од деканот на Факултетот за бизнис администрација, проф. Др. Љокман Ебиби, проф. Др. Јахи Јахиу и раководителот на Канцеларијата за меѓународна соработка, доц. Др. Хатибе Деари-Зеќири.
