Како дел од активностите за одбележување на Денот на НАТО и три години од полноправно членство во Алијансата, Армијата на Република Северна Македонија организира отворен ден за граѓаните во касарните „Илинден„ во Скопје, „Јане Сандански“ во Штип и „Кузман Јосифовски Питу“ во Тетово.
Граѓаните кои сакаат да присуствуваат на наведените активности потребно е да пристигнат пред влезот во касарните во период од 09.30 до 10.00 часот, поради потребните процедури за влез.
-За време на отворениот ден ќе се прикажат дел од средствата и опремата како и воено показни вежби од единиците на Армијата стационирани во наведените касарни со кои присутните ќе имаат можност поблиску да се запознаат со опремата и обученоста на припадниците на Армијата, информираат од Генералштабот на Армијата.
