Познатите изведувачи Влатко Лозаноски и Андријана Јаневска ќе бидат дел од утрешниот настан – градската свеченост со која се одбележуваат 79 од ослободувањето на Тетово.
Станува збор за досега најбогата и најразновидна програма со која ќе се одбележи овој значаен датум за градот и државата.
Претходно, организаторите најавија дека како специјални гости на настанот се и воениот оркестар на АРМ и балетот при ДМБУЦ „Илија Николовски Луј“ од Скопје, заедно со голем број на специјални гости и изведувачи.
Настанот ќе се одржи утревечер во ЦК „Иљо Антески – Смок“ со почеток во 19 часот.