Реакција на ОК на ВМРО-ДПМНЕ Тетово на прес-конференцијата на ОО СДСМ Тетово.
Очигледно е дека сдс во Тетово се во паника и продолжуваат преку смешни прес конференции да прават обиди да ја дефокусираат јавноста.
Денес улогата да ја лаже јавноста и припадна на поранешната советничка од сдс со најкраток мандат во Советот на општина Тетово.
Очигледно поранешната советничка на сдс бара одговори на погрешна адреса иако знае дека одговорите за сите предавства кон Македонија како и одговорите за настанот во петокот треба да ги побара на адреса кај:
Дезертерот Таче кој на седница на Влада гласал за промена на името на улици меѓу кои и улицата „Втора Македонска Бригада“ во „Адем Демачи“
Оливер Спасовски кој се крие како ѓавол од темјан наместо да излезе да и објасни на јавноста како Албин Курти во неформална посета на Македонија добил највисоко полициско обезбедување со специјален протокол за што граѓаните во Тетово трпеа невиден терор цели 24 часа и зошто сè уште не се приведени провокаторите со антимакедонски знамиња и транспаренти иако на плоштадот имаше стотици полицајци
Стево Пендаровски кој ги имал сите безбедносни информации како претседател на државата за тоа што ќе се случува во Чаир и Тетово а не презел ништо освен бедно мизерно соопштение до јавноста.
На крајот очекувавме на прес-конференција краткорочната советничка од сдс да побара одговорност и да ги осуди вистинските виновници Заев, Филипче, Анѓушев, Теута, Јовески и останатите соучесници за убиството на 14 наши сограѓани.
Граѓаните во изминативе 6 години се сведоци дека сдс како партија не е способна да ја води државата ниту пак да сработи нешто повеќе за граѓаните. Добро е што сдс на дезертерот Ковачевски ги одбројува последните денови на власт и што брзо доаѓа денот кога ќе биде убедливо поразен на изборите. ВМРО ДПМНЕ останува да биде последниот бедем на македонштината и сè додека постои ќе се вее Македонското знаме во Тетово.
