Во 2022 година вкупно се собрани 2520 единици крв на подрачјето на Тетово и петте рурални општини, бележи Општинската организација на Црвен крст Тетово. Сите крводарителски акции се спроведени во соработка со стручните тимови од Центар за трансфузиона медицина Тетово. Трета година по ред се зголемува бројот на собрани единици крв.
-Во текот на 2022 година организирани се 36 крводарителски акции во служба за трансфузија во Тетово и на акции на терен во континуитет во текот на цела годината, при што собрани се 2520 единици крв. Минатата година е трета по ред како се бележи зголемување бројот на единици дарувана крв. Во 2021 година имаше собрано 2477 единици крв, додека во 2020 година имаше 2121 единици крв, информира Шкљќим Мурати, секретар во општинската организација на Црвен крст Тетово.
Организацијата во рамки на останатите редовни активности постојано делеше помош на социјално загрозени семејства како и на раселени лица од Украина во тетовскиот регион.
Во текот на 2022 година организирани се обуки за пружање на прва помош на ученици во основни и средни училишта во тетовскиот регион како и за ново примени пожарникари, а обучени се нови волонтери.
-Волонтерите на ОО Црвен крст Тетово учествуваа на симулациска вежба во случај на катастрофи, потоа на караванот за вакцинација за сезонски грип и КОВИД од Министерство за здравство, давање поддршка на основни училишта за хуманитарни активности, активност за зајакнување на капацитетите на нови волонтери и уште неколку слични активности, изјави Мурати.
Општинската организација на Црвен крст Тетово во 2022 година ги има одбележано и традиционалните недели и денови,турнир во одбојка и други активности.
ас