Денеска (16 јуни) од 8 до 13 часот, на подрачјето на СВР Тетово спроведена е акциска контрола на возила кои вршат јавен превоз на патници, претежно автобуси, комбиња и такси патнички возила.При контролата биле откриени и санкционирани 8 прекршоци (ТЕ-6 и ГВ-2), односно 8 технички неисправни возила.
Шест од нив (ТЕ) имале неисправни сопирачки, 1 (ГВ) возило било со истечена регистрација и 1 (ГВ) со неизвршен вонреден технички преглед.На сите прекршители изготвени им се поднесоци, а неисправните веднаш биле исклучени од сообраќај.Покрај тоа, санкционирани се и 9 други видови сообраќајни прекршоци(ТЕ-7 и ГВ-2), со напомена дека технички неисправните ќе се соочат со предвидената парична глоба од 400 евра во денарска противвредност.
Секторот за внатрешни работи Тетово уште еднаш ги потсетува возачите навреме да ја проверат техничката исправност на возилата што ги управуваат и да ги отстранат евентуалните недостатоци, не само како учесници во јавниот превоз, туку и сите други.Ова, посебно се однесува на возачите кои со возила ќе патуваат кон летните туристички дестинации во нашата земја и надвор.