Со промоцијата на монографијата Здружението на Срби и Македонци „Бранко Чајка“ од Тетово“ ги заокружува своите активности поврзани со одбележувањето на својот голем и значаен 30-годишен јубилеј. За потсетување, во септември се оддржа свечен концерт по тој повод. Промоцијата е закажана на 2 декември 2022 година (петок) во 19:00 часот во големата сала на Општина Тетово.
„Монографијата е замислена како пишан споменик за сите членови кои со голем ентузијазам го градеа и ги испишуваа страниците на 30 – годишната историја на Здружението. Со нивната несебична работа, труд и залагање тоаостави своевиден препознатлив белег во културниот живот на градот и пошироко“, се вели во предговорот на монографијата од нејзиниот автор и актуелен претстедател на Здружението Соња Андонов,
Здружението е формирано 1992 година цел развој на активности од областа на духовниот и културниот живот, обичаите и меѓусебните односи помеѓу македонскиот и српскиот народ. Во состав на Здружението успешно работи и културно-уметничкото друштво „Бранко Чајка“. На својот репертоар друштвото подеднакво го негува и српскиот и македонскиот фоклор настапувајќи на бројни концерти во градот, регионот, Македонија, Србија и пошироко од каде добива значајни награди и признанија.
Учества и организирање разни манифестации од областа на фолклорот, Здружението своите активности ги насочува и кон спроведување други видови настани со што дава свој придонес во градењето на културата во градот. Покрај реализација на проектите коишто се однесуваат на негување на фолклорот, мошне успешно се реализираат и проекти кои се однесуваат на зачувување и негување на српскиот јазик кај припадниците на српската заедница на овие простори. Покрај тоа, во изминатите 30 години Здружението има реализирано и повеќе хуманитарни акции за што сведочат добиените плакети и признанија.
