Вчера (31 јули) 09.10 часот во СВР Тетово, 49-годишник од тетовско село пријавил дека во периодот од 2019 до 2023 година бил измамен за сума од 6000 евра. Според пријавеното, во 2019 година тој дал капар од 5.000 евра за купување стан, но станот бил продаден на друго лице и парите му пропаднале. Како што е пријавено, пролетва со него и неговата сопруга стапило во контакт лице кое се претставило како адвокат и им ветило дека може да им помогне станот да биде на нивно име. Исто така, според пријавеното, лицето му побарало 1.000 евра за да ја заврши работата, а откако тој му ги уплатил парите лицето му дало уплатница на друго име, по што се посомневал дека е измамен и настанот го пријавил во полиција. Се преземаат мерки за расчистување на случајот.