СВР Тетово информира за две пријави од граѓани, по што во полициска станица е повикан 33 годишник, а лишен од слобода е 34 годишник.
-Вчеравечер (10 јули) околу 19 часот и 20 часот, на улица „Илинденска“ во Тетово, полициски службеници на СВР Тетово го лишиле од слобода 34-годишниот тетовец З.Д., кој претходно бил пријавен од 67-годишниот Е.Ќ. од Германија. Тој се сомничи дека минатата и оваа година, со лажно прикажување на факти од Е.Ќ. побарал и добил поголема сума парични средства, наводно за решавање на одредени проблеми или верски обреди. З.Д. бил задржан во Полициската станица Тетово за расчистување и документирање на случајот, информира СВР Тетово.
-Триесет и петгодишна жителка на тетовско село вчеравечер (10 јули) околу 22 часот и 30 минути во СВР Тетово пријавила дека нејзиниот сопруг А.И.(33), по меѓусебна вербална расправија, половина час пред тоа, физички ја нападнал. Нешто подоцна, тој е повикан во Полициската станица Тетово и се расчистува и документира случајот,информира СВР Тетово.