По речиси три недели потрага денес е најдено безживотното тело на 52 годишниот Иса Рушити од село Теново, Општина Брвеница. За него се водеше потрага од 6 август, откако ноќта помеѓу 4 и 5 август излегол од дома и оттогаш не се вратил во Теново.
-Денес 22 август во 15 часот во СВР Тетово пријавено е дека во водите на реката Вардар, во близина на месноста Бриони и старото фудбалско игралиште, закачено на дрво, било пронајдено безживотното тело на И.Р.(52) од тетовско Теново. Екипи од тетовската Територијална противпожарна единица и СВР Тетово попладнево го извлекле телото на брегот, информираат од СВР Тетово.
Според информацијата на СВР Тетово, нивна увидна екипа во координација со Јавен обвинител извршиле увид, а ќе се врши и обдукција.
Во потрагата учествуваа Центар за управување со кризи, Дирекција за заштита и спасување, МВР, Општина Брвеница како и граѓани.
ас