На профилот на Фејсбук на градоначалникот на Тетово, Биљал Касами ноќеска беше објавено видео со порака дека се правела акција за ослободување на јавните простори, но многумина граѓани реагираа на селективноста.
Во видеото се гледа како се отстрануваат реклами, маси и столици и друго, на потегот од Жена парк во правец кон плоштадот по улицата „Борис Кидрич“.
Општинскиот инспекторат на општина Тетово вечерва, почнувајќи од маркетот „Веро“ и по целата територија на нашиот град, ја презеде акцијата за ослободување на јавните просторите узурпирани од диви продавачи, сопственици на кафулиња и ресторани, како и илегалните реклами поставени насекаде. Оваа акција, која е продолжение на неколкуте досегашни акции, ќе продолжи секој ден и ноќ, за ослободување на Тетово и граѓаните од узурпаторите, овозможувајќи слободно движење на пешаците, ред во сообраќајот слободни јавни простори, вели во објавата градоначалникот Касами.
Потоа во коментарите граѓаните прашуваат зошто тоа се прави селективно, а поставуваат и фотографии од други места каде има потреба да се ослободат јавните површини и прашуваат зошто тоа не е направено досега.
-А, пералната карши Симпл ја промаши? До рекламата прво ви дојде од Спирит едно обично знаме. Ситни популистички движења. Плоштадот како е? Од Штул нагоре чекамо ајде. Прво врати се кај пералнана кај школо Братство, па настави. Само македонски објекти биле таргет или ми се чини, се вели во еден од коментарите под видеото.
Претходно на 19 октомври на овој профил на Касами беше објавена слична информација дека Општинскиот инспекторат спроведе акција за ослободување на узурпираниот простор на улиците „Борис Кидрич“, „Комплекс Базар“, паркингот пред училиштето „Лирија“, улицата „Илинденска“ како и кај “Женски пазар“.
ас
