Секторот за внатрешни работи Тетово продолжува со засилени сообраќајно-контролни активности за поголем ред и безбедност на патиштата на тетовско-гостиварското подрачје.
Во вчерашната акциска контрола (15 март) реализирана од 14 до 20 часот, вкупно биле откриени и законски санкционирани 11 технички неисправни возила (ТЕ-6 и ГВ-5). Десет од нив имале неисправни сопирачки (ТЕ-6 и ГВ-4), а 1 (ГВ) неисправни други уреди и системи.
Покрај ова, со соодветни поднесоци биле санкционирани и 4 возачи кои ги управувале возилата без положен возачки испит, 1 возач-почетник (ТЕ) кој не се придржувал на законски предвидените ограничувања за оваа категорија учесници во сообраќајот, 6 возачи (ТЕ-5 и ГВ-1) со важечка забрана за управување, 3 возачи (ТЕ) кои не носеле возачка дозвола и 1 (ТЕ) кој го управувал возилото под дејство на алкохол.
Во контролата, исто така, биле констатирани и санкционирани и 8 (ГВ) други видови сообраќајни прекршоци. Секторот за внатрешни работи Тетово уште еднаш ги потсетува возачите навреме да ја проверат техничката исправност на возилата, посебно ако планираат патување на подолги релации и да не седнуваат зад волан беа валидна возачка дозвола и под дејство на алкохол.