Соопштение на СВР Тетово.
Вчеравечер (19 ноември) во 20 часот и 50 минути, Б.Ф.(48) од Тетово во СВР Тетово пријавил дека половина час пред тоа на работното место на Интерното одделение во тетовската Клиничка болница, 44-годишниот А.Ј. од тетовско Непроштено се однесувал агресивно кон него и му се заканувал. Се расчистува и документира случајот.
Вчера (19 ноември) околу 3 часот и 40 минути, полициски службеници на СВР Тетово го привеле 20-годишниот тетовец В.М., кој претходно бил пријавен од 27-годишниот тетовец С.Ј. дека околу 3 часот и 10 минути во угостителски објект на улица „Маршал Тито“ во Тетово физички го нападнал. Приведениот В.М. задржан е во Полициската станица Тетово и по целосно расчистување и документирање на случајот ќе му биде изготвен соодветен поднесок.
Вчера (19 ноември) околу 20 часот и 30 минути, на улица „Илинденска“ во Тетово, полициски службеници на СВР Тетово го привеле 44-годишниот тетовец И.А. кој се однесувал агресивно кон нив и одбил нивна наредба. Се расчистува случајот и против него ќе следува поднесок.
Полициски службеници на СВР Тетово вчера (19 ноември) околу 12 часот и 50 минути, на улица „Вонвардарска“ во Тетово, привеле 17-годишник од Тетово кој управувал патничко моторно возило „пежо“ со тетовски регистарски ознаки и непоседувал никакви документи. Се расчистува и документира случајот.
Дваесет и четиригодишниот тетовец М.Н. вчеравечер (19 ноември) во 21 часот и 40 минути во СВР Тетово пријавил дека во угостителски објект на улица „Благоја Тоска“ во Тетово физички бил нападнат од сопственикот на објектот. Се преземаат мерки за расчистување и документирање на случајот.
Триесет и петгодишниот тетовец М.С. вчеравечер (19 ноември) во СВР Тетово пријавил дека околу 18 часот и 30 минути пред трговски објект во тетовската населба Цетинска, неговиот малолетен син физички бил нападнат од едно лице. Се расчистува и документира случајот.
Вчера (19 ноември) во 18 часот и 45 минути Р.А.(42) од Тетово во СВР Тетово пријавил дека со употреба на сила било влезено во неговата викенд-куќа на Попова Шапка и бил направен обид да биде предизвикан пожар. Нема повредени лица, а била оштетена само дел од покуќнината. Извршен бил увид и се преземаат мерки за расчистување на случајот.