На подрачјето на Секторот за внатрешни работи Тетово вчера (6 февруари) од 8 до 14 часот спроведена е акциска контрола за техничка исправност на возилата, како и за санкционирање на други видови прекршоци.
При контролата, откриени и санкционирани се 14 технички неисправни возила (ТЕ-7 и ГВ-7), од кои 12 (ТЕ-6 и ГВ-6) имале неисправни сопирачки, 1 возило (ГВ) неисправни други системи и 1 (ТЕ) неисправни светлосни уреди. Санкционирани, исто така, биле и 2 возила (ТЕ) со истечена регистрација, односно сообраќајна дозвола.
Технички неисправните возила веднаш се исклучени од сообраќај и изготвени им се законски предвидените поднесоци со парични глоби од 400 евра во денарска противвредност.
Во рамките на оваа акциска контрола откриени се и 2 (ТЕ) возачи кои ги управувале возилата без положен возачи испит и валидна дозвола за тоа, 8 (ТЕ) непрописно паркирани возила, од кои 4 биле подигнати од тетовската „пајак-служба“ и 9 (ТЕ) други видови сообраќајни прекршоци кои биле заокружени со адекватни поднесоци.
Секторот за внатрешни работи Тетово уште еднаш со апел до возачите навреме да ја проверуваат техничката исправност на возилата кои ги управуваат, а пред се сопирачките, уредите за управување и светлосните уреди, но и да не седнуваат зад волан без возачки дозволи, под дејство на алкохол и недоволно одморени, посебно ако патуваат на подолги релации.