Во СВР Тетово евидентирана е пријава за паднат заталкан куршум. Приведени неколкумина за физички напади.
Четириесет и шестгодишната тетовка С.С. ноќеска (17 август) околу 1 часот во СВР Тетово пријавила дека заталкано зрно од огнено оружје паднало на покривот од нивната семејна куќа на улица „Фуштанска“ во Тетово. Нема повредени лица, а увид извршила екипа од СВР Тетово.
Полициски службеници на СВР Тетово, вчера (16 август) во 19 часот и 30 минути на улица „Борис Кидрич“ во Тетово го лишиле од слобода 47-годишниот тетовец Б.Н.. Тој претходно бил пријавен од 47-годишниот тетовец И.Г. дека околу 19 часот во неговиот угостителски објект на оваа улица физички го нападнал. Б.Н. е задржан во Полициската станица Тетово и по целосно документирање на случајот против него ќе следува соодветен поднесок.
Вчера (16 август) во 18 часот на улица „Саво Тасевски“ во Тетово, полициски службеници на СВР Тетово го лишиле од слобода 36-годишниот Б.Б.. Тој се сомничи дека се заканувал и физички ја нападнал неговата 56-годишна мајка. По целосно документирање на случајот на Б.Б. ќе му биде изготвен поднесок.
Четириесет и петгодишниот тетовец Г.М., вчера (16 август) во 10 часот во СВР Тетово пријавил дека претходниот ден му било одземено неговото патничко моторно возило „опел кадет“ со тетовски регистарски ознаки, кое околу 20 часот го паркирал на улица „Саво Тасевски“ во Тетово. Се преземаат мерки за пронаоѓање на возилото и за расчистување на случајот.