Во Здравствен дом Тетово се зголемува интересот на граѓаните за примање на дополнителните ткн. бустер дози од вакцината против КОВИД-19, информираат од тетовската здравствена установа. Според нивните сознанија добиени од граѓаните интересот за дополнително вакцинирање се должи поради драстично зголемување на бројки на ново заразени со КОВИД-19.
-Најмногу е заинтересираноста за четврта доза која почнавме да ја аплицираме пред три недели, но има и граѓани кои што аплицираат и трета доза. Се уште немаме евиденција за трета или четврта доза но вкупно на ден има од 30 до 40 и најмногу до 50 апликациии на бустер дози. Прва и втора доза нема веќе, затоа што поголем дел од граѓаните примија прва и втора доза и нашиот процент е скоро 60 проценти на ниво на Тетово со околните општини, информира Борислав Јоргаќиески, директор на Здравствен дом Тетово.
Според него потребно е да се вакцинираат граѓаните бидејќи дејството на двете дози дејството им е ограничено на околу девет месеци.
-Ограничено дејство има и самата бустер доза исто така. Сега поминаа доста месеци каде имаше затишје и многу намалени бројки и скоро и да немаше новозаразени и сега дејството е веќе поминато според информациите што ги имаме од СЗО. Во претстојниот пик мислам дека е потребно да се вакцинираат со трета или четврта бустер доза. Се вакцинираат со вакцини од производителот Фајзер и се чека од Модерна, информираше директорот.
Според информациите од Клиничка болница Тетово денес во Инфективното одделение има еден хоспитализиран заболен со КОВИД-19. На дневна основа има околу 40-тина прегледи на луѓе со симптоми,а од нив околу 60 проценти се дијагностицираат како болни поради коронавирусот.
ас
