Здружение на ликовни уметници на град Тетово се прости од уметникот Александар Настески: Секогаш ќе го паметиме како прекрасен колега со светски имиџ и одличен уметник
-Александар В. Настески (1948 – 2023) Со тага ја примивме веста дека не напушти нашиот колега, академски сликар и уметник и еден од основачите на Здружение на ликовни уметници на град Тетово, Александар В. Настески. Се простуваме и изразуваме длабоко сочувство до семејството Настески и до сите колеги од уметничката заедница.
Александар В. Настески за мене и за членовите на Здружение на ликовни уметници на град Тетово секогаш ќе биде лик кој ќе го паметиме цел живот. Лик за еден прекрасен колега со светски имиџ и одличен уметник.
Ќе ни недостасуваш драг Александар… Ќе му недостасуваш и на Здружение на ликовни уметници на град Тетово. Почивај во мир драг Александар, Арбенита Мета, претседател на Здружение на ликовни уметници на град Тетово.
Александар В. Настески почина денеска на 75 години. Роден е 1948 во гостиварско Зубовце. Педагошка академија завршил во Скопје во 1968 година, додека Академија за применета уметност во Белград (Р.Србија) во 1977 година. Член на Друштвото на ликовни уметници на Македонија од 1977 како и на Здружение на ликовни уметници од Тетово, а учествувал на заедничките изложби на двете друштва.
