ЖФК Љуботен Тетово стана првак во женското фудбалско првенство по денешното последно 22 коло во кое на домашен терен одиграа нерешено 1:1 со второпласираната екипа на ЖФК Каменица Саса.
Тетовските фудбалерки со овој нерешен резултат освоија вкупно 54 или три повеќе од директните конкурентки ЖФК Каменица Саса кои останаа на второто место со 51 бод.
ЖФК Љуботен поведе во 40-тата минута со голот на Бразилката Харуми Гоја, додека гостите израмнија со погодок во 76-тата минута од второто полувреме.
Годинава ЖФК Љуботен ги освои двете фудбалски титули и ја одбрани титулата од минатата година. Фудбалерките кои ги предводи тренерот Ивица Радоњиќ на 16 мај го освоија Купот на Македонија со победа над ЖФК Каменица Саса со 4-0.
ас