Претседателот на општинската организација на СДСМ Тетово, Живе Алексовски, во изјава за медиумите порача дека избраните советници како дел од мнозинството на Советот на Општина Тетово, ќе се посветат во унапредување на економскиот раст и развој, повисок животен стандард, а со самото тоа и обезбедување на подобра иднина на граѓаните.
-Покрај многуте досегашни странски инвестиции, овојпат токму во нашиот град пристигнува компанијата за производство на електрични автомобили “Next e. go Mobile” која ќе се изгради во Технолошко – индустриската развојна зона во Тетово.
Почетната инвестиција, вредна 130 милиони евра, покрај развивање на домашната економија, отвора и можност за нови работни места.
Членството во НАТО и отворањето на пристапните преговори со ЕУ, го даваат својот резултат, а инвестициите од ваков карактер и ваков габарит, несомнено носат економски бенефит за Тетово и тетовско.
Како дел од мнозинството на Советот на Општина Тетово, ќе се посветиме во унапредување на економскиот раст и развој, повисок животен стандард, а со самото тоа и обезбедување на подобра иднина на граѓаните.
Потребна ни е вашата поддршка, во сабота на 20ти август, со заокружување на бројот 1, да го избереме најдоброто за нашата општина. За европско Тетово
Советничката листа на СДСМ и коалицијата, предводена од носителот Глигорије Стојановски е составена од докажани, угледни и чесни личности подговтени да работат за своите сограѓани, за Тетово да се развива, да ги користи сите свои потенцијали за да обезбеди еднакви и подобри услови за живот и работа на сите граѓани.
Општина Тетово да го задржи правецот по кој се движи изминатиот период, кога се реализирани бројни проекти важни за граѓаните меѓу кои се издвојуваат нов затворен пливачки базен, реконструкција на регионалниот пат Тетово – Попова Шапка од 18,2 км, изградба на нов објект за ОУ Наим Фрашери во Мала Речица, изградба на филтер станица на водоснабдителен систем во Тетово, изградба на дел од булевар Видое Смилевски Бато во Тетово, набавка на 5 автобуси за јавен транспорт, реконструкција на СОУ Кирил Пејчиновиќ.
Тетово денеска е град кој живее во духот на мултикултурализмот, град во коj се отвораат нови работни места, град кој дава еднакви шанси за секого, град каде ќе се произведуваат европски брендови.
СДСМ е сплотен, обединет за нови успеси, за политики и мерки што носат придобивки за граѓаните.
Се залагаме за европско Тетово. Затоа на 20 август масовно гласајте за бројот еден, за советничката листа на СДСМ и коалицијата.