Тетовец на 71 година е приведен во полициска станица откако нападнал полицаец. Нема информација од полицијата каде и што претходело на инцидентот.
Околу 16 часот и 20 минути, полициски службеници на СВР Тетово го лишиле од слобода 71-годишниот тетовец С.М., кој се однесувал агресивно и физички нападнал еден од нив. Тој бил задржан во Полициската станица Тетово за целосно расчистување и документирање на случајот, по што ќе му биде изготвен соодветен поднесок, информира Марјан Јосифоски, портпарол на СВР Тетово.
Тетовската полиција бележи уште три приведувања изминатите 24 часа.
-Вчера приведен бил и малолетник на 16 години околу 15 часот и 45 минути во Непроштено. Тој одбил да се легитимира и кај кого била пронајдена марихуана, која се обидел да ја фрли, информира Јосифоски.
А.С
