Општина Тетово ги известува сите граѓани дека, почнувајќи од 18.06.2024 година (вторник), дворовите на основните училишта „Истикбал“, „Лирија“, „Гоце Делчев“ како и двата објекта на Гимназијата „Кирил Пејчиновиќ“ ќе бидат отворени за паркирање возила. Паркингот ќе биде бесплатен.
„Ова ќе го олесни сообраќајот во текот на летото кога нашите иселеници доаѓаат на одмор и имаме поголема посетеност.Исто така, сакаме да апелираме до возачите да ги почитуваат сообраќајните правила, да не ги блокираат постројките на јавниот превоз и да го користат градскиот автобус за да се намали аерозагадувањето и да не се предизвикува сообраќаен хаос“, соопштија од канцеларијата за односи со јавноста.