Во Тетово неколку дена се организираа разни настани по повод 28 ноември денот на албанското знаме при што воопшто не се почитуваше доследно соодветниот Закон за употреба на знамињата на заедниците, без употребата на знамето на Македонија.
Овој закон дозволува да се користат знамиња на припадниците на заедниците со знаме преку кое го изразуваат својот идентитет и особеностите (член 7) но исто така тоа мора да биде во согласност со член 8 каде се вели доколку се истакне знамето на таа заедница, се истакнува и знамето на Република Македонија.
Знамињата се стакнуваат на следниов начин кога: – знамето на Република Македонија е истакнато заедно со знамето на заедницата и знамето на единицата на локалната самоуправа, знамето на Република Македонија се истакнува во средината, додека знамето на заедницата е два метра надесно, гледано однапред, а знамето на единицата на локалната самоуправа е два метра налево од државното знаме; – знамето на Република Македонија е истакнато заедно со знамето на заедницата, знамето на заедницата е надесно, гледано однапред, од знамето на Република Македонија и – се истакнати повеќе од три знамиња, знамето на Република Македонија ќе биде прво во редот, се вели Законот.
Членот 12 од Законот се однесува на казнените одредби. Со парична казна од 20.000 до 150.000 денари ќе се казни за прекршок правно лице кое постапува спротив- но на одредбите од членот 8 на овој закон. За прекршокот од ставот 1 на овој член ќе се казни со парична казна од 5.000 до 15.000 денари и одговор ното лице во правното лице, се вели во Законот.
