Триото Шербет од Тетово се подготвува за својот најнов петти по ред концерт, насловен „Песни од едно време“. Концертот ќе биде во Центарот за култура „Иљо Антески-Смок“ во Тетово на 30 октомври, понеделник.
-Ќе изведеме околу дваесеттина песни, наши обработки на претежно фестивалски песни, дел од македонската музика во 90-тите години на минатиот век. Ќе имаме и гости, кои што не ги откриваме засега, информираат девојките од Шербет.
Влезниците се пуштени во продажба и може да се набават во билетарницата на Центарот за култура „Иљо Антески-Смок“. Картите нема да бидат нумерирани и секој со влезница може да седне на седиште кое што ќе го најде слободно.