Тетово инфо, 9 март 2024
Соопштение на Движењето ЗНАМ за наша Македонија Тетово:
Општинската организација на Движењето ЗНАМ за наша Македонија Тетово забележува продолжување на тешко канцерогено сосем неодговорно уште посилно загадување на полошкиот плански регион. Имено, после страшниот пожар на стари автомобилски гуми во с. Желино, денес забележан е пожар со зголемен интензитет во атарот на с. Прељубиште Општина Јегуновце каде под дејство на ветер голем густ чад се разнесува и до град Тетово и многу други приградски населби и села во околината.
Понатаму овие загадувачки материи со ПМ честички паѓаат на почвата и вршат продолжено дејство врзувајќи се со други соединенија и во почвата и во воздухот и во водата за пиење и наводнување поради што сведоци сме на уште поголем број на канцерогени заболувања.
Го повикуваме државниот инспекторат за животна средина и комуналните инспекции на општините Јегуновце, Желино и Тетово веднаш да излезат на терен и со конкретни чекори строго ги казнат сторителите кои очигледно за време на викенд ја користат заспаноста и неделувањето на инспекторатите поради што редовно и постојано во континуитет се палат тешки загадувачки материи на јавен простор наместо истите да се депонираат во депонија според намената.
Движење ЗНАМ за наша Македонија Општинска организација Тетово