Екипата „Профи арт дизајн“ го освои шестиот Ноќен турнир во мал фудбал „Ратае 2024“ откако во финалето вчера ја совлада екипата „Современ дом Ѓиги“ со 4:0. Во натпреварот за трето место екипата „Братство Копанце“ беше подобра од „Колонијал Лука Сиричино“ со 3:1 на пенали, по нерешениот исход од 2:2.
Победничката екипата „Профи арт дизајн“ доби 140 илјади денари од наградниот фонд, второпласираните „Современ дом Ѓиги“ 70 илјади денари и третопласираните „Братство Копанце“ 35 илјади денари.
За најфер играч на турнирот беше прогласен Никола Ристовски од „Братство Копанце“, а за најдобар стрелец со 13 голови Васе Ристовски од истата екипа. Мартин Цветковски од “Современ дом Ѓиги“ е прогласен за најдобар голман, а пехарот „Златна топка“ како најдобар играч го доби Петре Даиловски од „Профи арт дизајн“.
На турнирот учествуваа вкупно 22 екипи, а наградниот фонд вкупно изнесува 250 илјади денари. Беа одиграни вкупно 66 натпревари и постигнати 301 гол.
„Во Ратае секогаш фудбалот бил традиција. Има многу фудбалери од Ратае излезено, браќата Јовановски, Кристијан Тошевски е актуелен фудбалер. Има млади дечки што допрва ќе заиграат во некој клуб. Ратае секогаш има фудбалска традиција, овде на големото игралиште се организирале многу турнири пред 30-тина години, каде игра ФК Жеграп, клуб што постои над 75 години, изјави Александар Видојевски од организацискиот одбор на Ноќен турнир во мал фудбал „Ратае 2024“
Организацискиот одбор минатата 2023 година ја изгради и единствената трибина од каде гледачите оваа година имаа прилика да ги следат натпреварите. Турнирот е почнат да се одржува од 2017 година.
ас