Потпретседателката на ВМРО ДПМНЕ Гордана Димитриеска Кочоска во Тетово се придружи на кандидатите за советници на средбите со граѓаните во рамки на кампањата за вонредните избори за членови на Советот на општината на 20 август. Таа им порача на жителите на Тетово да го дадат гласот за советниците кои ги предводи носителот Ангел Карапетров.
-Во претходниве години Тетово беше под контрола на коалицијата СДСМ и ДУИ и за жал Тетово стана едно место каде царува корупцијата и криминалот каде што имаме одредени мал број на луѓе блиски до власта , кои од ден на ден го зголемуваат своето богатсво и на уште поголемо разочарување повторно зборувам за проблемите со недоволно вода за пиење, повторно зборуваме за загадувањето во Тетово, повторно зборуваме за катастрофалната патна инфраструктура која го враќа Тетово во 19 век и токму од таа причина промени се потребни тука. Затоа ВМРО ДПМНЕ на овие избори кои ќе се одржат на 20 август ќе освои убедлива победа во Тетово затоа што тука со мене се кандидати за советници кои навистина заслужуваат да ја извојуваат победата затоа што зборуваме за луѓе кои што во изминатиот период покажаа дека работат во интерес на граѓаните, луѓе кои се сервис на граѓаните, а не за луѓе кои се гласачка машинерија во Советот како што тоа се случуваше изминатиот период од страна на СДСМ и ДУИ, истакна Гордана Димитриеска Кочоска.
На новинарско прашање дека ВМРО ДПМНЕ е оцената како анти-ЕУ партија таа истакна дека неуспешни се сите обиди од страна на СДСМ за лошите состојби во државата да ја обвини нејзината партија.
-Знаеме дека од почеток на преговарање на СДСМ за распродажба на националните интереси тие имаа поставено две цели. Првата цел беше да ја обвинат Европската унија за сето лошо што се случи во државата и втората цел која ја има поставена да инфилтрираат нивни структури во опозоцијата кои постојано ќе коментираат дека опозицијата е премногу блага недоволно се бори за националните интереси на Македонија. Меѓутоа ниту едната ниту друга цел им успеа. Прво да не заборавиме СДСМ е таа партија која во континуитет правеше во години наназад хајки против ЕУ. Да не го заборавиме нападот кој што го направија врз поранешниот француски амбасадор Тимоние. Во исто време граѓаните повеќе од јасно знаат кој е предавникот во државата и точно тие знаат дека предавството не доаѓа од надвор, предавствата се случуваат во Македонија и тие имаат име и презиме. Почнувајќи од Зоран Заев, Стево Пендаровски, за да денес зборуваме дека и Димитар Ковачески ја продолжи таа политика предавничка. Жално е ова што ќе коментирам но имам чувство дека се во состојба и сопствената мајка да ја предадат само за да останат ден повеќе на власт за да можат да се збогат што е можно повеќе и да крадат од граѓаните и да не сработат ништо во интерес на граѓаните. ВМРО ДПМНЕ е про-европска партија, која од самите зачетоци зборува дека патот на Македонија е во ЕУ и за тоа во континуитет се бори и го прави. ВМРО ДПМНЕ е за влез во ЕУ достоиствено, а не со понижувања и единствениот излез за тоа е преку референдумот кој го бараме од кој очајно бегаат, изјави Гордана Димитриеска Кочоска.
Таа ја коментираше економската состојба како никогаш полоша, оценувајќи дека не е подобра дури и од времето на транзицијата.
ас