Граѓански организации и здруженија кои се на самиот почеток од своето функционирање имаат уште три недели можност да добијат финансиски средства од Европската унија за реализација за својот прв проект, информираат проектот „Техничка поддршка за подобрување на овозможувачката средина за граѓанските организации во Република Северна Македонија“.
Ангажираните во проектот денес во Тетово организираа информативна сесија за Механизам за граѓанска отпорност (МГО) што е повик за директна поддршка за иницијативите спроведени од страна на граѓанските организации.
-Граѓанските здруженија може да имаат различни области за интерес, а проектите мора да бидат за јавна корист. Примери може да бидат грижа за постари лица, или можеби некои еколошки прашања или здравствени проблеми, или како да се подобри работата со локалната власт или како да се вклучат локалните бизниси во поддршката, на пример, ресторан може да дава храна на крајот од денот на сиромашните луѓе. Така што тоа е соработка со бизниси за јавен бенефит, така што тие се активности за кои размислуваме за поддршка, изјави тим лидерот Зинта Миезаине.
Информативни сесии има низ повеќе градови, а повикот е наменет за мали организации со малку административни ограничувања.
-Ссе надеваме на добри проекти низ целата земја. Рокот за поднесување е до 15 ноември имаат организациите уште три недели за пријавување. Потоа оди евалуацијата, а одлуките се носат до крајот на оваа година, изјави Зинта Миезаине.
Механизмот за граѓанска отпорност на ЕУ (МГО) е програма за материјална поддршка за граѓанските организации која служи за да им овозможи на „грасрут“ (grass-root) организациите да преземат ефикасни и ефективни активности за брзо да одговорат на реалните потреби во нивните заедници и да ја зајакнат отпорноста на граѓаните за време на честите општествени промени.
ас